Lai toor kiwa chong yaaw cha u CEM wa joor pynslem u e jubab yei dor Permit wa thymme

Ynne ka sngi kiwa chongdai ha Iawmusiang wa Iawthymme hapoh ka lama yong ka JTTA da toor ki khrui ha kamra u CEM ka JHADC hadien wa kut ka yalang wa man ha Iawthymme heipor chiteiñ sngi.

Ha kani ka yalang da rai da iwi donhi wow ya mih paidbah wow lai yachem ya u CEM ka JHADC heiyatoh wa i wym yoh jubab neibynta ka bai Permit kawa thymme kawa da pynku dor ar chah neiwa jooh su.

Hawa yoh u yaklam wa u CEM neiliang yong oo da pynsñiaw u wa ya ini i kaam daw hap yaklam u ha ka Executive Committee neibhah ympu em u yoh u chong EC.

Da pynsñiaw u leh wa daw chong chwa ki da ka Budget Session wei hadien ka dorbar u yoh won ki u chong EC.

Heiyatoh wa ini neiliang yong ka seiñ da pynsñiaw ko wa lada yang hadooh wow yoh ka Council u pyndep ya kitai ki kaam ki yong ka da man iwa slem ya kiwa su bai Permit wei daw toh ki leh da ka kuna namo ka Fine. 

Related posts

Pynbna ka sorkar wow booh ya sa kawi ka Police Outpost wa thymme

December 2, 2025

Pynman ka Khliehtyrchi yei jied waheh chnong deiwa mih chimbynta ki hajar ngut

December 2, 2025

Neiliang yong ka seiñ da kyrpaad ko ya u CEM wow pynyinsur yei por chadooh wa kut u Naitung (April 2025) heijooh i por leh da kyrpaad ya ka Council wow dam chwa ko u chim ya kiwa wan su bai Permit kat hadooh wow yoh ka Council u yaklam ya ini i kaam ha ka EC kamwa dadep khana.

Neiliang yong u CEM da kular u wow leh yeiwa kyrpaad yong ka seiñ.

Heijooh i por ka seiñ JTTA kyrpaad ko leh ya waroh kiwa em Permit wow dam chwa u lai su kat hadooh wow yoh dei thoh na ka Council, katkam wa dadep yaklam.