Hei miet ka 17 tarik uni u bnai heipor kamwa 8:30 hadooh 9:30 iwi i yung dieñ wa em kamwa phra kamra ha Sahsniang da iñ i heiwa da khlaad iwi i khynnah wa dang 4 snem.
Katkam ka khubor wa da yoh, da ong wa em ar ngut ki khynnah kiwa chi payu ha ini i yung heiwa kawi da yoh u yut heipor wa jia ini.
Chooh chooh da ong wa ka bei kini ki khynnah ym em ko ha yung heipor wa jia ini wei ym pu tip leh yei daw wa sdang i diñ heiwa kiwa chong chnong da yaleh ki wow wan tympleh tangwa i diñ man i iwa da kyrooh wei joor bha i kop.
Ini i yung toh i yong ka Itaima Iakai (34 snem) we kiwa chi payu wa em hapoh toh ka Elisha Iakai (4 snem) kawa da khlaad noh katwa ka payu ko ka Glorify Iakai (10 snem) da yoh ko wow yut napoh yung katwa ka diah ko da neh ko hapoh i yung wa iñ.
Neiliang u Wyrta daw pyntip chooh i cha phi heiyatoh wa ini iwa jia kat dang yoh khubor.
Discussion about this post