Ka thaw tih mooyong kawa da yoh bor wow sdang noh u thih kawa em ha Byndihati, East Jaiñtia Hills kawa tip kam ka Saryngkham (Coal Block-A), toh neibynta 12 snem heiwa 7 snem toh yow tih wa 5 snem won u khang wei wow pynyringam biang ya ka thaw wa dadep tih.
Kani ka thaw toh kawa heh 148 Hectare wei ka rukom kreh haap ko hapoh ka Category-B1 ka EIA Notification iwa mut wa emkaam u leh ya ka Environmental Impact Assessment (EIA), ka Public Hearing wei wow yoh ya ka Environmental Clearance.
Na ka 148 Hectare ymtoh waroh kani man ko kam ka thaw wow tih ya u mooyong, du ka Green Belt Area dapoi ko 53.87 Ha, ka Undisturbed Area 10.5 Ha, ka Excavated Void 24.00 Ha, ka Backfilled Area 48.19 Ha najrong ki thaw wa emkaam yow chna sarok wa kiwi de.
I rukom tih mooyong toh kawa tip kam ka Shovel-Dumper Combination deilang ka Opencast Mechanized Method heiwa daw em ka kari wow khloh ya u mooyong wei daw pynhaap hapoh ka Truck wa yang deiwa tih chwa da ki kor hadooh wow poi cha ki paar mooyong deiwa pynemkaam Dynamite wa kiwi de.
Ki paar moo wa em ha kani ka thaw da em ki soo tylli kiwa rben nadooh 0.10 hadooh 1.42m.
Da antaad wa i lut wow kreh ya ini waroh dapoi ko Rs. 2700 lak wei daw sai 0.10 MTPA (chi snem) iwa daw poi 0.45 Mega Ton iwa man 4,50,000 Ton hadooh wa pyndep yei tih ya uni u mooyong heipor wa da booh.
Puræ leh: Da wai ya ka thaw tih mooyong wa nyngkong wa katkam ka juk wa katni ha Byndihati
Discussion about this post