Ka Chairperson ka Meghalaya State Commission for Protection of Child Rights, ka Agatha K. Sangma da pynsñiaw ko yei sñiawsih hajrong i yap ki ar ngut ki khynnah ka jylla uwa na chnong Lyndem wa em hapoh Pynursla Sub-Division wa uwi won na chnong Sohparu ka chnong wa em hajan ka Nongstoin iwa da jia ha Karnataka.
Da ong ko wa i dooh ya iwon iwon i mynsien khamtam i yong ki khynnah toh iwa pynpiah nood wei ymtoh wow jia hi leh.
Neiliang ka Commission da beiñ ko yeini neibhah da tyngkheiñ yei hok ki khynnah wow im ki wei da ya krehlang bha wa ka Karnataka State Commission for Protection of Child Rights yow pyntikna wa waroh kitu kiwa emkti chah pynchitom ki wei yow yarap wei e yada kamjooh wa biang i chait i khiah ki 22 ngut ki khynnah kiwa dang chah sumaar kattæ na ini wa jia.
Ka Commission da paan ko leh ya ka Report wa bniah na ka Karnataka State Commission for Protection of Child Rights wei wow pyntikna leh wa kam ini ym jia de i.
Ka Chairperson da kitbok kitrwiang ko leh ya kini ki khynnah wow smat ki u chait u khiah kiwa man kam ka mynried ka jylla yow ye ki wow tyrchaaiñ wei wow im deiwa hun kam ki khynnah.
Discussion about this post