Jop ka KJP Synod HS School ya ka District Level Science Mathematics & Environment Exhibition

Ka District Level Science Mathematics and Environment Exhibition da pynman ka ha Jowai Public School ynne da ka yung krehkaam ka District School Education Officer, West Jaiñtia Hills.

Ki skur wa da chimbynta da em ki 11 tylli kiwa kynthup ya ki skur wa em Jowai wa kiwa wan na palatsor kiwa da pynyoo ya kiwa boon ki buit wow wanrah myntoi ya ka imlang sahlang nadooh i rukom pynlang yei jakhlia wa mih na ki mrad wa ri, na ki thaw chet, ki jait baam wa wanrah yei chait i khiah, i chna sboh, ki rukom rep wa bha wa miat wa kiwi de.

Yei naam jop namo ka First Prize da yoh rah da ka KJP Synod Higher Secondary School, ya ka Second Prize da yoh da ka Government Boys Higher Secondary School, Jowai katwa ya ka Third Prize da jop da ka Seiñraij Higher Secondary School, Jowai.

Ka phang pyrdi wa da pynman ya ka Exhibition toh kawa ong, “Science and Technology for Sustainable Future”.