Poor i Video uwa yalap niam Christan ka Punjab wa dat wei tba kti u ya kawi ka kynthai wa uwi u chynrang

Uwa yalap niam Christan ka Punjab uwa tip kam u Bajinder Singh da mih khubor u hadien wa poor kawi ka Video wa pynyoo wa dat u ya kiwa kreh wa oo heiwa nyngkong da kawang u da ka Mobile Phone ya uwi wei da yieñ u wow lai dat oo da ka muna kynthai wei da thaap u oo leh.

Hadien ini da kawang u da ka kot ya kawi ka kynthai kawa emlang wa iwi i khynnah tangwa kani ka kynthai ym em tieñ ko oo wei da yieñ ko wow tia cha oo tangwa da chah tba kti wei chah thaap ko ha u Singh.

Ini waroh da jia hapoh ka kamra krehkaam u Singh wei da hap yieñlang kiwa boon yow pynran ya oo wa kani ka kynthai.

U Bajinder Singh katkam ka thoh ha ka Website u toh uwa da kha ha u snem 1982 ha Haryana wei wan u na ka manyung Hindu tangwa da kylla Christan u hadien wa dep chong kset patok u yei kaam wa yatoh wa i pynyap bru.

Related posts

Lai ujor ka JSU cha ka DMHO yei wym em Doctor ha ka sngi Saturday

July 3, 2025

Ympu ye ka F-35 u mih na India, daw hap looid wei u kit cha UK

July 3, 2025

Hadien wa lait patok u, da sdang u ya ka Church of Glory and Wisdom ha u snem 2016 kawa da heh smat bha ha Punjab wa cha kiwi ki thaw.

U Singh da sdang u wow pawnaam deiwa ong wa ye u wow pynchait ya ki bru nadooh kiwa kjut Cancer hadooh kiwa kjut AIDS. Hawa yalap u da tem u leh yei sur wa pyrtuid ‘Mera Yeshu Yeshu’ hadooh wa tip ya oo kam u Yashu Pastor wei da em leh boon kiwa bood oo ha ki rynsan Social Media kiwa dapoi da ki phaw lak ngut ha YouTube, Instagram wa Facebook.

Tangwa hapyrdi ini, u Singh ha u snem 2018 da chah kem u deiwa chah pynbaad wa slaitbor u ya kawi ka kynthai na Zirakpur, Punjab deiwa kular wow yarap ka wow lai cha baar ri.

Ha u Thohlakhmi (Feb) uni u snem, kawi ka kynthai wa em 22 snem da pynbaad ko wa u Singh da pyndik u ka deiwa tba khlem akor, wa bood u ka kat cha wa lai ko iwa da leh nadooh i por wa em ko 17 snem kam kawi na kiwa pynlai ya ki yasieñ u wei kawa rwai.

U Singh da kyntait u yeini deiwa ong wa em ki Pastor wa choon oo kiwa da chna ya kini ki parom.

Ha u Thohlakhmi 2023, ka Balang u Singh da chah kynreh ko ha ka Income Tax Department wei ka Diocese ka Jalandhar leh ym bien de ko wow yajan wa oo deiwa ong wa i rukom yalap niam u ym em yahaap i wa i rukom wa leh ki wei ka Balang u toh kawa krehkaam khlem da emyatoh wa ki.