Kheiñlang ka MePDCL wa ka bai bordiñ kawa dadep su hadooh wa poi Rs. 28,902 chi bnai

Ka seiñ FKJGP-East Jaiñtia Hills ha ka 28 tarik uni u bnai da lai yachem ko ya u Executive Engineer (EE) ka MePDCL Khliehriat Distribution Division Moowakhu hadien wa yoh ujor wa poi biang ka bai bordiñ yong kawi ka manbei wot hadien wa dadep su.

Kani ka manbei kawa na chnong Khliehriat West ha ka 06-02-25 da yoh ko ya ka bai bordiñ kawa Rs.17,174 wei da su ya ka ha ka 26-02-25, tangwa dapoi biang ka bai bordiñ ha ka 05-03-25 kawa Rs. 28,902 wei manda pait ya ka Bill da chem wa da kheiñlang wa kawa da rim kawa dadep wow su.

Kani ka manbei da ong ko wa ini da jia ym du ini tangwa man-i-por wei neidaw wym tip ko u ujor da su bait ko tangwa hadien wa pyntip ko cha ka seiñ yeini da lai ko wow paan pynche na u EE. 

Related posts

Maham ka KSU ya ki wym e laad ya kiwa pyrchah ya ka Shree Cement manda pynman biang ya ka Public Hearing

July 21, 2026

Da sdang ya ka Meghalaya Lakadong Turmeric Integrated Development Mission wa Rs. 175 klur | Daw yoh myntoi ki 17,500 tylli ki manyung

July 21, 2026

U EE da pdiang u yeini wa bakla heiwa dadep wow su ya kani ka Bill wei da pynbaad u wa leh thurmur ka Billing Department yong ka MePDCL Shillong wei hadien wa ya pynbait, neiliang u EE da pynbait u wow su du Rs. 11,574 kawa man kam ka Bill thymme ymtoh de Rs. 28,902 kamwa da thoh hapoh ka Bill.

Ka seiñ da ong ko wa neipor da dawa ko wow pynman ki pynsñiawthooh paidbah yow tip ki u puræ yeiwa thoh ha ka bai bordiñ yow tip ki u chem yeiwa bakla.