Ynne ka sngi da sdang ya ka District Cricket League ka West Jaiñtia District Cricket Association (WJDCA) deiwa jop ka Ummulong SC kawa pynman ha Mini Stadium yong ka chnong Khliehtyrshi.
Ka yalehke wa da pynman toh hapyrdi ka Ummulong SC pyrchah ya ka Khliehtyrshi SC heiwa da jop ya ka kylla-khlem da ka Khliehtyrshi SC kawa da jied wow Bat wei da lai ko wow kamwai 109 Run deiwa haap waroh 10 tylli ki Wicket ha ka 20.3 Over na ki 35 Over.
Ka Ummulong hawa beh ya ka thong da yoh ko 110 Run ha ka 16.2 Over deiwa dooh 5 tylli ki Wicket yow jop da 5 Wicket.
Yei naam Man of the Match da yoh da u Sumarlang Lamare na ka Ummulong SC uwa da yoh 2 Wicket na ki 2 Over wa kawang bol u.
Ka yalehke wa bood u pynman mynstep hapyrdi ka Evergreen SC & CC pyrchah ya ka Mupliang SC heipor 9:00 waje i step.
Waroh ki Team wa chimbynta da em ki 13 tylli.
Discussion about this post