Yoh kem ki BSF wa em ha Dawki ya uwi u Bangladeshi  

Ha ka 6 tarik uni u bnai, ki BSF ka Meghalaya da yoh ki wow kem ya uwi u Bangladeshi uwa man kam u dalal wa yarap ya ki bru wow psiah tooh cha India lyngba ka Meghalaya.

Ya uni u da yoh kem da ki 4th Battalion ka BSF wa em hajan ka Dawki kiwa da yoo ya uni u bru ha khappood wa leh u ki kaam wa yoo suba wei da yut u leh manda yoo u ya ki BSF tangwa da yoh wow kem oo.

Hawa takit ya uni u bru da phla u wa oo toh u Bangladeshi wei i pyrtuid u toh u Md. Ibrahim (21 snem) uwa na Sylhet District wei da emkti u wow chalan tooh ya ki mar wei wow pynpsiah tooh ya ki bru.

Ya uni u bru da e kti cha ki pulit ka Dawki Police Station yow pynman ki yei takit wei wow leh katkam ka aiñ.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026