Dang yaklam wa ka sorkar pyrdi wow pynbait yei kaam ha NEHU: Conrad Sangma

U Montri Rangbah ka jylla, u Conrad K. Sangma ynne da ong u wa ka sorkar jylla da thooh ko ki laad ki luti liang wanang wow pynbait ya i kynrum kynram hapoh ka skurbah North-Eastern Hill University (NEHU).

Heiyatoh wa i dawa kyrriah ya u Vice Chancellor, u Conrad da ong u wa em i thut na pynarliang wei da yaleh u sñiawthooh ya ini i thut wei da pyrchang u yaklam wa kiwa chah ktah ha ki kyrdan waphær waphær khnang wa ka NEHU u krehkaam bait ko.

Da kdaw u leh yei tlot ka sorkar jylla neibhah wa ka NEHU toh ka chnat yong ka Ministry of Education wei i thung ya ki Chancellor da leh da ka President ka India kamtæ kam ka sorkar jylla eh bha u luchia ko ya ini neibhah wa da em ki kyndon krehkaam kiwa jar jiar. 

Da pynkynmoo u leh yei por wa mut u wow yachem ya ki khynnah tangwa da mih i sñiawthooh bakla neibhah oo yaklam u leh wa kiwi ki khynnah kamjooh kiwa sikai ha i bor yong oo.

Related posts

Hapoh 10 tarik paan jubab ka Dorbar Ki Waheh Kur Ri Jaiñtia yei pynkhreh ka JHADC u tipmit da ka aiñ ya ki kur ki jait

June 4, 2026

Boon ki kreh wa lait, joor du i thung kreh sopsop khlem lai lyngba ka DSC ha West Jaiñtia Hills: Andrew Shullai

June 4, 2026

Heijooh i por da ong u wa da pyrchang wow wanrah ya waroh wa embynta chirup khnang wow ye u pynbait noh ya ini i kulmar.

Heiyatoh wa ka sorkar pyrdi, da ong u wa da yaklam u wa ka kamjooh u Montri ka chnat puræ puthi ka sorkar pyrdi neipor cheipor wow pynbait noh ya ini i kaam.