Ka Khliehtyrshi SC da jop ko da 136 Run ha ka yalehke wa phra yong ka District Cricket League 2025 ka West Jaiñtia Hills District Cricket Association (WJHDCA) kawa pynman ha Mini Stadium yong ka chnong Khliehtyrshi ynne ka sngi.
Ka yalehke wa da pynman toh hapyrdi ka Evergreen Mukhla Mission SC pyrchah ya ka Khliehtyrshi SC heiwa da jop ya ka kylla-khlem da ka Evergreen Mukhla Mission SC kawa da jied wow kawang bol chwa. Ka Khliehtyrshi hawa Bat chwa da kamai ko 241 Run deiwa haap waroh 10 tylli ki Wicket ha ka 34.3 over na ki 35 Over.
Ka Evergreen Mukhla Mission hawa beh ya ka thong da yoh ko du 105 Run deiwa dooh waroh 10 tylliki Wicket ha ka 22.1 Over.
Yei naam Man of the Match da yoh da u Khimti Dkhar na ka Khliehtyrshi uwa da yoh kamai 42 Run wei da pynhaap u 3 Wicket.
Ka yalehke wa bood u pynman mynstep ka 9 tarik hapyrdi ka West Jaiñtia Police CC pyrchah ya ka Khimusniang SC heipor 9:00 waje i step.
Ya ka Digital Live Scoring yong kani ka League ye phi u pait ha: https://crichero.es/apps.
Discussion about this post