Yap uwi u Home Guard ka Meghalaya ha Assam nei suba yoh Heart Attack

I yap syndet uwi u pulit yong ka chnat Civil Defence and Home Guard ka jylla Meghalaya ha Guwahati, Assam da pynlyngngoh wei ym sñiaw che ya kiwa boon yeiwa jia.

Uni u pulit wa tip pyrtuid kam u Ribok Dkhar Sawian uwa na ka chnong Mawryngkneng, da lai leh Training u lyngba ka Disaster Management ha ka thaw e sikai ka NRDF ha Assam. Tangwa ha ka 10 tarik uni u bnai da chem yei metyap yong oo na kawi ka thaw wa rap jan na ka thaw e sikai namo ka Training Camp.

Hawa kylli hajrong ini wa jia, u Symbood Montri Rangbah ka jylla uwa pait leh ya ki kaam pohyung, u Prestone Tynsong da ong u wa katkam wa pyntip ki pulit, u Ribok da mih-ke u na ka thaw sah hei janmiet yong ka 9 tarik, tangwa da chem yei metyap u ha ka sngi wa bood, wei katkam wa pyntip ki pulit da suba wa u Ribok da khlaad u nei yoh Heart Attack wei da khlaad syndon ha ini i thaw wa jia.

Related posts

Wai ka Nongjngi Para-I CLF ya ka Livelihood Service Centre wa thymme

November 30, 2025

Pynlait uwi ya uwa yah kari wa ngam ha ka nan

November 29, 2025

U Prestone da pyntip u leh dadep wow leh ya ka Post-Mortem ynne ka sngi wei hadooh kattæ ym pu tip yei daw wa tikna wa khlaad u deiwa pynrap wa ye u man wa em wa pynyap oo tangwa da suba wa i kha toh neidaw wa yoh kjut.

Da ong u wa ha ki kajiak sngi daw ye wow pynsakhiat hadien wa yoh ya ka Report yong ka Post-Mortem.