Yoh pynlait ki manbei ka chnong Darrang ya kawi ka dhoh

Related posts

Hei lai kynreh ya ki dkhot ka KSU poi ki Tear Gas cha ki yung ki bru | Chrai kiwa chong chnong

August 19, 2026

Dei pdung ki Tear Gas wei lakam ka madan thma ka Jaïaw hei lai kem ki pulit ya ki heh ka KSU

August 19, 2026

Ka ar ngut ki manbei kiwa na ka chnong Darrang da yoh ki wow pynlait im ya kawi ka dhoh kawa tip kam ka jait Brown Wood Owl kawa heh kamwa 45 cm.

Ya kani ka sim da chem da kini ki manbei kiwa lai thoh dieñ man-i-por cha khloo cha bri, wei da chem ki ya kani ka sim wa rap heh na khyndaw kawa ye u man neidaw wa chitom næ mynsoo ko, kamtæ da rah ki ka yow lait nei chah pynyap ha kiwi ki mrad kamjooh ki bru.

Manda poi hapoh ka chnong da pyntip wut-wut cha u Secretary ka Darrang Tourism Development Society, u Songkiman Ryngksai wa cha kiwa yahkhmat chnong heiwa da pyntip cha ka chnat Wildlife ka West Jaiñtia Hills kiwa da wan wow chimkti noh ya kani ka sim wei wow sumaar ya ka.

Neiliang ka chnong da kyrpaad ko ya ka sorkar wa toh u yarap ki ya kini ki ar ngut ki manbei kiwa wan na ka manyung wa dooh wa duk da ki kynja Scheme ymtoh deiwa e du da ki Memento næ ki Certificate neibhah lada e da ka song poisa daw e mynsien ya ki deilang kiwi wow chimkhia wow nang pynlait im ya kam kini ki jait mrad kiwa ye wow dooh jait yow lait ki nei chah pynyap wei chah baam doh ha ki damok ki wym em yei kitkhlieh ya kam kini ki mrad kiwa ye wow dooh jait na sla pyrthai.