Ka Meghalaya daw man ko kam ka North Bangladesh lada ym khang ya ki 50 lak ki Rohingya: Saleng

U MP ka Tura u Saleng A Sangma da maham u wa lada ka sorkar India wa ka sorkar jylla ym leh ki iwon iwon wut-wut wow khang yei wan psiah ki bru na baar, ki tre chnong Khasi-Jaiñtia wa Garo daw wiar noh ki chisiendon.

U Saleng da ong u wa lada wan psiah ki phetwiar Muslim Rohingya kiwa chah beh na Mynmar kiwa em 50 lak ngut, cheiwon ki tre jylla (Meghalaya) u lai ki kiwa em du 30 lak ngut donhi?

Da ong u wa ki Rohingya toh kiwa phetwiar na Bangladesh wei da poi ki ha kylleiñ ka thaaiñ mihsngi wei lada ymye wow khang yeini, ka Meghalaya daw man ko kam ka North Bangladesh.

Chooh chooh da ong u wa da klam u yeini ha Parliament wa emkaam u pynkhlan i yada nei wan psiah ki bru na khappood ka Bangladesh cha India (Meghalaya).

Related posts

Pyrchah ka India yei thmu ka IMF wow e yarap poisa ya ka Pakistan da ki Billion Dollars

May 9, 2025

Sangeh yakhih ka MCTODA | Da e por ya ki karkhana Coke 10 sngi

May 9, 2025

U Saleng da ong u leh wa dang em i kyrmen ya ka jylla Meghalaya katni lada ye u khanglaad ya ki bru wa na baar wow psiah cha ka ri wei da yaklam u wa ki BSF, ya u montri ki kaam pohyung ka ri wei da yachem u leh ya ki DC hajrong ini.

Heijooh i por da ong u wa ki bru wa sah ha khappood ka Meghalaya wa ka Bangladdesh chah pyndik ki man i por nei wan psiah ki bru na baar, nadooh ki damok wa kiwi wa wan leh kaam sih pyrchah aiñ na katai kawi ka ri.