District Cricket League: Jop ka Northeast A.U. (ATS) ya ka Mission S. & Y.A.

Jop ka Northeast A.U. (ATS) ya ka Mission S. & Y.A. da chi wicket haka yalehke wa 16 yong ka District Cricket League 2025 wada pynman da ka WJHDCA.

Ka yalehke ynne ka sngi da man ko hapyrdi ka Mission S. & Y.A. wa ka Northeast A.U. (ATS) heiwa ya ka kylla khlem da jop da ka Northeast A.U. (ATS) wei dajied ko wow bowl chwa. Ka Mission S. & Y.A. kawa lai bat nyngkong da kamai ko 67 run wei da hap noh waroh 10 wicket haka 13.4 over.

Ka Northeast A.U. (ATS) ha ka pali yong ka wow beh ya ka thong da ye ko wow pynjop deiwa yoh 68 run na ki 28.5 over wei da dooh ko 9 wicket. U Chonbara S Marak da yoh u ya i naam Man of the Match deiwa yoh 4 wicket na ki 5 over.

Ka yalehke ha ka sngi Chohthat ka 19/04/25 u man ko hapyrdi ka Khliehtyrshi S.C. wa ka Young Lad’s C.C. heipor 9:00 i step.