Chah kem u Enforcement Officer wa khrong poisa na Jorabat wa Khanapara

Ki pulit ka Basistha ha nongbah Guwahati ha ka 18 tarik da kem ki ya uwi u Enforcement Officer wa tip kam u Naba Deka hadien wa khrong poisa u na ki Truck wa ki Dumper wa kit mar kam ki moo, chyiap wa i khyndaw. 

U Naba uwa man kam u Assistant Enforcement Inspector wa kreh ha District Transport Officer (M) Betkuchi da chah kem u hadien wa khrong poisa u na Jorabat, 14th Mile wa Khanapara.

Ini i kem ya u Naba toh hadien wa mih ki ujor yei khrong poisa wow kit mar chna yung heiwa ki pulit da chimkhia ki yeini deiwa yoh ya ki sakhi wa tikna. 

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Chirup wa u Naba da kem leh ya 5 ngut wa emkti ha ini i kaam kiwa kynthup ya u Nasiruddin Ahmed, u Saurab Rongpi, u Tulen Rongpi, u Bikul Ingty wa u Phidingstar Nongrum.

Neiliang ki pulit dang pynman ki yei takit wow chemdien ya kiwi wa emkti.