Chem uwi ya ka kurim wa wiar lyngba i WhatsApp Video wa uwi tawon u bru ha Taj Mahal

Ha iwi i jia wa phylla ha jylla Uttar Pradesh, uwi u bru wa 40 snem i rta da ujor u ha ki pulit wa da wiar ka kurim u chirup wa ki khon tangwa da chem won u ya ka wa uwi tawon u bru ha Taj Mahal lyngba i Video ha WhatsApp Group.

U Shakir da ujor u wa ka kurim yong oo, ka Anjum da wiar ko wa nadooh ka 15 tarik uni u bnai na Chnong Rorawar, Uttar Pradesh.

Neiliang u Station House Officer ka Rorawar, u Shiv Shankar Gupta da pyntikna u wa u Shakir da wan ujor u yeiwa wiar ko ha ka 18 tarik uni u bnai.

Ini da jia i heipor wa u Shakir da liwan yung u wa lai sakhi ya i bia wei manda liwan u ha ka 15 tarik da chem wa da khang i yung wei ka kurim yong oo wa ki soo ngut ki khon leh da wiar ki.

Ki janyung da khana ki wa ka Anjum da pynlang tiar ko wei da yut ko chwa wow yoh ki u yaklam wa ka.

Hadien kattu por, uwa hayung u Shakir da yoo u ya ka Anjum ha i Video wa phah ha ka WhatsApp Group heiwa da yoo wa em ko ha Taj Mahal wa uwi tawon u bru wei uni u bru toh uwa tipmit u Shakir.

Related posts

Hadien 24 sngi i yakhih pyndam ka sorkar Jharkhand ya ki ar tylli ki Exam | Phah takit ya ki Exam nadooh u snem 2014

August 17, 2026

Ujor FIR ka JNC pyrchah ya ka Facebook Page wa pynmih ya ka khubor thok pyrchah ya u President ka seiñ

August 17, 2026

U Shiv Shankar Gupta da ong u wa kopsar em yatoh ka Anjum wa uni u bru wei da yut ki heipor wa lai bia u Shakir.

Neiliang ki pulit da pyntip ki ya ki pulit ka Agra wow yarap thooh ya ka Anjum.