Kam chibynta wow pynku yei yoh i laa wa i khayi pateiñ ka hima, u Syiem ka Bhutan, u Jigme Khesar Namgyal Wangchuk ha ka 19 tarik uni u bnai da lai pait u ya ka Inland water transport (IWT) ha Jogighopa, Assam wow sñiawthooh ya i rukom krehkaam kani ka thaw wei kammon u ye u chalan ya ki mar cha baar ri.
Kani ka IWT kynthup ko ya ki Project ha khappood ka India-Bhutan ha ka Wah Brahmaputra wei u man ki u thiedsnaam ka Bhutan hei khayi pateiñ heiwa ya kani ka IWT da wai ha ka 18 Thohlakhmi uni u snem.
Ha kani ka sngi da emlang u montri ka Shipping ka sorkar India, u Sarbananda Sonowal uwa da ban joor wa ini i wan u Syiem katai ka hima toh wow pynkhlan yei ya maya lok hapyrdi ka India wa Bhutan.
Neiliang u Syiem da ong u wa i wai ya ka IWT Jogighopa kamjooh ya ka Jogighopa Multi Modal Logistics Park toh i wow sah parom yanom.
Kini ki project sariem ki leh wa ka Act East Policy, ka thong wa u Prime Minister, u Narendra Modi kwah bha u wow pynkrehkaam.
Discussion about this post