Da jied biang ya u Histokrist Pachiang kam u waheh chnong ka Iooksi

Ha i jied ya kiwa kitkaam yong ka chnong Iooksi kawa da pynman ha ka 19 tarik uni u bnai, da jied biang ya u Histokrist Pachiang kam u waheh chnong ka chnong Iooksi neibynta ka samoi krehkaam 2025-28.

Yeini i jied waheh chnong da pynman ha Dorbar Hall ka chnong Iooksi ha ryngkat i emlang u Dolloi ka Elaka Raliang.

U Histokrist Pachiang da jooh man u kam u Secretary Chnong ka chnong Iooksi hadooh 3 sien, wei dadep ksoh u leh kam u waheh chnong ka chnong Iooksi ha ka samoi krehkaam wa dang dep, wei ha kani ka kynti da chah jied biang u sa chisien kam u waheh chnong.

Ha kani ka sngi da jied leh ya u Mewan Mannar kam u Secretary Chnong ka chnong Iooksi.