Under-16 Boys Inter District Cricket Tournament: Jop ka SCA ‘B’ ya ka SCA ‘A’

Ka yalehke ynne ka sngi 23-04-2025, da man ko hapyrdi ka SCA ‘A’ pyrchah ya ka SCA ‘B’. Ya ka kyllakhlem da jop da ka SCA ‘A’ kawa da kam wow kawang bol chwa. Ka SCA ‘B’ hawa lai tied nyngkong da kamai ko 196 run wei da haap ko waroh 10 wicket ha ka 40.3 over. U Mannan Surana da lehke bha u lyngba ka bat deiwa tied u samen 100 run na ki 96 ball wei da thlieh haroh u kawi ka Six (6) wa 18 tylli ki Four (4). U Anish Kedia won da tied u 31 run na ki 49 ball deilang wa 5 tylli ki Fours (4). U Krishiv Choudhary, uwa kawang ball yong ka SCA ‘A’ da yoh u wow pynhaap 3 wicket na ki 11 over.

Neidaw wa slap, da hap wow pynduna ya ki over wow beh ya ka thong na ka 50 over cha ka 42 over wei ka thong wa thymme da man noh ko 187 run deiwa pynemkaam da ka DLS Method. Ka SCA ‘A’ hawa beh ya kani ka thong da ye ko u tied 143 run wei da haap lut waroh 10 wicket ha ka 35 over. U Gautam Paul samen da tied u 60 run na ki 105 ball deilang wa 6 tylli ki Four (4). U Samelawan Nongkseh won da tied u 27 run na ki 28 ball deilang wa 4 tylli ki Four (4).U  Navneet Shah yong ka SCA ‘B’ da lehke bha u ha ka bowling deiwa yoh u pynhaap 5 wicket na ki 4 over.

Ya i naam Man of the Match da yoh da u Mannan Surana uwa kamai boon run bha na ka SCA ‘B’.

Related posts

Daw pynman ka Real Punjab FC ya ka Trial ha Jowai

June 1, 2026

Psiah Final ka Langsning hei sien wa nyngkong ha ka MSL deiwa pynrem ya ka Lajong

May 30, 2026

Ka yalehke mynstep ka sngi u man ko ha pyrdi ka WJHDCA pyrchah ya ka EKHCA heipor 8:30 i step.

Ya ka digital live score yong kani ka tournament ye wow pait lyngba: https://cricheroes.com/tournament/1430009/mca-under-16-boys-inter-district-tournament-2025/