U montri rangbah ka jylla Arunachal Pradesh, u Pema Khandu ynne da tyrwa yarap u cha kiwa hayung u Tage Hailyang, u chipai ka Indian Air Force (IAF) uwa da chah siatyap yap ha Pahalgam, Kashmir.
Heipor wa lai u cha Tajang, Ziro u Pema da lai pynkupburom u ya u Tage deiwa yaroh ya oo wa da chlur u wow yada ya kiwi tawon heipor wa jia i chah hiar thma ha ki damok kieñsuloi ha ka 22 tarik uni u bnai.
Da ong u wa u Tage heithaw wow yut, da pynyoo u yei mynsien wa chlur wow yarap yada ya kiwi wow yut wei wow yah ya ki cha ki thaw wa chngaaiñ wei ini i leh u Tage da psiah i ha mynsien ki paidbah ka Arunachal Pradesh.
Kamtæ u Pema da ong u wa ka sorkar da rai ko wow e iwi i kreh sorkar cha ki dkhot ka yung, i yarap poisa wa Rs 50 lak wei wow chna ya u mot sahkynmoo ha Tajang, Ziro.
“U Tage toh uwa da kreh kam u chipai ka Indian Air Force nadooh u 2017, u sahkynmoo ya oo yei minot wei mynsien wa chlur yong oo” da ong u Pema.
Da beiñ joor u leh ya ka Paskistan wa psa ya ki damok kieñ suloi deiwa sñiawskem u wa hapoh i yahkhmat u montri rangbahdooh ka ri, u Narendra Modi ka ri India leh daw jubab ko deiwa khor.
Puræ Chooh: Yaam bru ka chnong Ziro, Arunachal Pradesh heipor wa poi i metyap u chipai IAF
Discussion about this post