Chah kem u MLA na Assam uwa yada wei yachah Pakistan

Ki pulit ka Assam ynnin da kem ki ya u MLA ka All India United Democratic Front (AIUDF), u Aminul Islam hadien wa pynmih u ya ki kyntien wow yada ya ka Pakistan heiyatoh wa iwa jia ha Pahalgam, Jammu and Kashmir ha ka 22 tarik uni u bnai deiwa kyrchaan leh ya kiwa kieñ suloi wow leh yeini.

Heiyatoh wa ini, ka AIUDF da lehjngai ko na uni u MLA deiwa ong wa ini i klam u toh i sñiaw samen yong oo wei ymtoh i yong ka Party.

U Aminul da man u kam u MLA la le sien na Dhing Constituency wei da chah kem u ynnin na i yung u ha Nagaon District.

Neiliang u Superintendent of Police (SP), u Swapnaneel Deka da ong u wa da chimkhia ya i Video wa poor ha Social Media heiwa da yoo ya u Aminul da klam u ya ki kyntien wa bakla heiyatoh wa iwa jia ha Pahalgam iwa da klam u hapoh kawi ka yalang paidbah.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Neidaw wa yada u ya ki damok, ki pulit ka Assam da Register Case ki pyrchah ya oo hapoh ka Section 152, 196, 197(1), 113(3), 352 wa 353 yong ka Bharatiya Nyaya Sanhita kamjooh leh da ong wa ini wa klam toh iwa ye pynchit paidbah.

Da yah ya oo hakhmat ka kasari ynne ka sngi.