Ka lympung yalehbol namo ka Football Tournament ka Seiñ Kur Dkhar East Jaiñtia Hills kawa soo sngi dapoi ko cha wakut ynnin ka sngi deiwa jop Final ka Moolamanoh Kur Dkhar kawa da pynman ha chnong Moolang.
Ka yalehke Final toh hapyrdi ka Rymbai (A) pyrchah ya ka Moolamanoh heiwa ka Moolamanoh da jop ko da chi kool wa thap da u Adoffstive Dkhar ha ka minit wa 46.
Ya kani ka Final da wan sakhi ryngkat ki waheh yong ka kur wa ki paidbah yong ka kur Dkhar wa em hapoh East Jañtia Hills District.
Chwa ka yalehke da yoh i klam leh na ki waheh yong ka kur kam na u Shaniah Dkhar uwa man leh kam u Chairman Sports wei da pdiang sñiawbha u ya waroh kiwa ya wan cha kani ka Final.
Neiliang u Sli Dkhar uwa man leh kam u kongsan, da klam u chaphang ka kur waroh deiwa ong wa emkaam u man kiwa burom uwi ya uwi kamjooh wow ya maya wei da e khublei u leh ya u Kyrmen Shylla uwa man kam u MLA uwa da e yarap ya ka kur ha kani ka Football Tournament.
Kiwi de kiwa klam toh u Teras Dkhar uwa man kam u President yong ka Seiñ Kur Dkhar East Jaiñtia Hills District wa u Jop Dkhar uwa na Moolamanoh uwa da ong ya ki para kur wow man ki kiwa kreh chitom yow poi cha ka thong.
Discussion about this post