Ka Seiñ Niamtre Ki Khynnah Purea Shillong da pynsñiaw ko yei sñiawkhia yei yoo wa ha ka lehkmen Shad Paskha wa pynman ha Cathedral Hall, Laitumkhrah heiwa kiwa mihkhmat ya ka Malki Parish da leh ki yei Chaad Pliang ki Pnar hei rukom wym em biang.
Da ong wa katkam ki Video wa da em wa riñ, da chynna bha wa kini kiwa chaad da pynemkaam ki da ki kynja Double-Side Tape næ da ki kynja wa jnah (Glue) ha kti wa ha ki pliang.
Chooh chooh da ong wa da pynemkaam da ki pliang Plastic wei kani ymtoh ka rukom katkam wa ngait ka Niamtre.
Da ong wa ini i rukom leh yeini i chaad daw wanrah ko yei sñiawthooh bakla ya ka dustur riti wei man i leh i dooh mynsien wa ya kani ka chaad wa kyntang da leh ka hapoh ka yungmane khlem da yoh bor wei ha i rukom wym em bood katkam ka rukom u warim.
Da ong leh wa ini ymtoh du wow kwah u mih khubor tangwa emkaam wow pynche wei wow pynneh pynsah ya ka dustur riti wei neini chakhmat da kyntu wym toh wow leh ya kani ka chaad khlem da paan bor chwa na kiwa pait wa ri ya ka dustur riti nadooh ki waheh wasan, kiwa ksoh ya dustur riti kamjooh na kiwa yahkhmat niam.
Da yooluti wa ini daw wanrah ko yei mynsien burom kylliang wei wow ya sñiawthooh yow lait biang u jia kamni.
Discussion about this post