Ha ka thong yong ka World No Tobacco Day 2025 ka wow man ha ka 31 tarik uni u bnai, ka yung krehkaam i puræ puthi yong ka jylla deilang ka National Health Mission, Tobacco Control Cell da pynman ki ya ka yalang wa kyrpang neibynta ki khynnah skur kawa kynthup ya ka World No Tobacco Day Rally wa ka Signature Campaign.
Ha kani ka 25 tarik da yoo wa ki khynnah puræ ka Thomas Jones Synod College chirup kiwa sikai da lai ki ha sarok deilang i kbai i e wyrta chula ya ki paidbah wa lai wa wan ha yaaw ha haat hajrong i sih wa mih na u duma wa kiwi ki jait baam wa chna na u duma sla.
Ka phang pyrdi namo ka Theme yong kani ka World No Tobacco Day ha uni u snem toh kawa ong ‘U Duma Toh I Kaam Wow Poi Chei Yap’ næ ‘Tobacco Business of Death’.
Hajrong ka thong yong ka World No Tobacco Day wa ka Tobacco Free Educational Institution neiliang ka District Mission Coordinator, SSA West Jaiñtia Hills District, da khut da kyrpaad ko ya waroh ki skur wa em hapoh ka District wow chimbyntalang hei wow pyndep ya kini ki ar tylli ki kaam wei yooluti ko leh wa dei ya ksohktilang ki khynnah skur wa kiwa hikai kani daw man ko kawa jop wei kawa laibait lairyntih neibynta i burom yong ka District waroh kawi.
Discussion about this post