Maham ka Ladthadlaboh ya kiwa noh roi yei jhep kat chawa yoh

Ka Ladthadlaboh Dorbar Chnong, Jowai da maham joor ko ya ki bru wa jooh myllien u noh roi yei jhep kat chawa yoh iwa da pynman ya ki rood sarok, ki luti synkieñ, ki nala ki dooid hadooh wa da taroi wei sahkut ki.

Da khang pyrchah leh ya kiwa pynlait um jakhlia kam na ki paikhanna cha ki nala ki dooid paidbah iwa da wanrah yei tung i sma wei iwa ye leh u pynjakhlia ya ki umbaam umdih paidbah.

Da ini i rukum leh da man ki dooid ki nala wa sahkut, wei lada chem ya kiwa pynkheiñ wei wa pyrchah yeini, ka chnong u daiñ kuna wei u pynchitom ko katkam wa chah ka aiñ.

Da pynmih ya kani ka maham neibynta wow wanrah yei khooid i jngiar ki um ki wah, ka la-ær wa ki soodong sookun ka chnong ka imlang sahlang waroh kawi.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026