Phah ka sorkar wow mih ki pulit napoh ka NEHU

Ki pulit deilang ki bru ka CRPF kiwa da phah wow em hapoh ka NEHU Campus, Shillong da mih noh ko ynnin i miet hadien wa mih boon i pyrchah na kiwa lai puræ heiwa deiwa joor bha ka yania kawa da neh hadooh 3 kynta.

Yeini i rai da chim hadien wa da thoh da ka Acting Vice-Chancellor, ka Prof. SM Sungoh kawa da kyntu ya ka Director General of Police wow kyrriah noh ya kini ki bor pulit neidaw wa khuslai ya jia iwon iwon wym sñiawsuk.

Kam wow pynkynmoo wa ynnin kiwa lai puræ ka NEHU da yania ki wa ki Magistrate deiwa ong wym em yoh bor kini ki pulit deilang ki CRPF wow psiah chapoh kani ka skurbah wei neidaw wym mih ki neiliang kiwa lai puræ ka NEHU da rai ki wow dam u lai chong Class ynne.

Kamtæ ynnin hi i miet, ka sorkar da pynmih hukum ko wow phah mih noh ya kini ki pulit napoh ka NEHU.

Kam wow pynkynmoo wa da phah pulit hadien wa u Asst. Professor ka Hindi Department ka NEHU, u Dr. Alok Singh da ujor u cha ki pulit hadien wa chah dat u wei da lai kem leh ya u NEHU Students’ Union President, u Sandy Sohtun heiyatoh wa ini wa jia.

No Result