Ka yalehke ynne ka sngi da man ko kawa jem chiliang bha hapyrdi ka RBDCA pyrchah ya ka WJHDCA, heiwa ka RBDCA da jop da 172 run.
Ya ka kyllakhlem da jop da ka RBDCA wei da kam ko wow tied chwa. Ka RBDCA hawa tied nyngkong da kamai ko 224 na ki 50 over wei da haap ko 9 wicket. U Soham Shah da man uwa tied wa paw bha napyrdi kiwa tied ka RBDCA deiwa yoh samen 77 run na ki 78 ball deilang ar tylli ki Six (6) wa 9 tylli ki Four (4). U Nobojit Chetri da tied u 61 run na ki 63 ball, u Anmol Shah won da tied u 48 na ki 60 ball. Kiwa kawang ball yong ka WKHDCA, u Felix Lamare da yoh pynhaap u 3 wkt na ki 7 over, u Wansuklang Pala wa u Sebastian Rongngi da yoh ki u pynhaap mar 2 wicket samen, u Waibhami Ryngkhlem wa u Nathaniel Syngkon da yoh ki u pynhaap mar 1 (chi) wicket samen.
Ka WJHDCA ha ka pali yong ka wowbeh ya ka thong, kiwa tied yong ka da haap ki uwi hadien uwi neidaw wa chkæh ware kiwa kawang ball ka RBDCA wei da ye ki u tied du 52 run wei da haap lut ki waroh 10 wicket ha ka over wa 23.5. Napyrdi kiwa tied yong ka WJHDCA toh du u Meroily Lytan wa yoh 19 run (36 ball). Kiwa kawang ball yong ka ka RBDCA,U Anmol Shah samen da pynhaap u 5 wicket na ki 8 over, u Maxborn Sangma wa u Nobojit Chetri da yoh ki mar 2 wicket, u Keshab Shah yoh u 1 wicket.
Ka yalehke ha ka Sngi Walang u man ko hapyrdi ka WKHDCA pyrchah ya ka EJHDCA heipor 8:30 i step.
Ya ka digital live score yong kani ka tournament ye phi u pait lyngba: https://cricheroes.com/tournament/1430009/mca-under-16-boys-inter-district-tournament-2025/
Discussion about this post