Ka Seiñ Raij Chnong Mukhaialong kawa haap hapoh ka Seiñ Raij Tuber, East Jaiñtia Hills District daw pynman ko ya ka Chaad Sukkara ha ka 03-05-25 heipor 2:00 waje i sngi ha madan Community Hall ka Mukhaialong Dorbar Chnong.
Ha katai ka sngi ym chah ya kiwon kiwon wow wan dai ki khamtam ya ki baam kam i ja, ka cha, u chana, ki pylleiñ wa kiwi kiwi de wei u chah du kiwa da yoh bor donhi na ka Seiñ Raij wow wan dai ki.
Ka Seiñ Raij kwah ko leh wow pyntip cha phi wa ka thaw pynman Chaad Sukkara toh ha madan ka Community Hall ka Mukhaialong Dorbar Chnong (Pyrdi Chnong) kawa man ka thaw wa jooh pynman man-u-snem neidaw wa ka madanbol ka chnong Mukhaialong kawa da thmu wow pynman ya kani ka Chaad Sukkara ym ye wow pyndep u chna pynbha ya ka, wei ym em leh ki thaw lai paikhana wa biang neidaw wa i kreh dang lai i wei man ko leh ka thaw kawa ktieh lada slap.
Ka Seiñ Raij Chnong Mukhaialong lyngba u Secretary, u N. Phawa da khut da wer sñiawbha ko ya phi ki lok ki jor, ki kha ki man kiwa yahkhmat yong ki Seng Khasi, Seiñ Raij waphær waphær wow wan sakhi phi ya kani ka Chaad Sukkara.
Discussion about this post