Yap uwa yah Pickup hei ya tyrrah kari ha u NH-6

Uwi u bru wa yah ya ka kari Pickup da dooh noh u yei mynsien u hadien wa chah tyrrah ha ka Truck iwa da jai ha u sarokbah NH-6 ha thaaiñ Wapung, EJH.

Katkam wa pyntip ki pulit, ini da jia i ynnin i janmiet heipor kamwa 4:30 heiwa ka Truck wa kit mar wa em Number AS-01LC-5896 wa yah da u Samir Malakar uwa na Agartala kawa wan na Lumshnong yow lai cheiliang Guwahati wei manda poi ko ha ini i thaw da wan kawi ka kari Pickup wa em Number ML-11-6931 wa yah da u Lando Shylla uwa na chnong Lumshnong uwa da wan mar pyrchah wei da yah u na ka liang wa bakla namo ka Wrong Side.

Katkam wa ong kiwa sakhi wa kani ka Truck da pyrchang ko wow yait ya kani ka Pickup tangwa neidaw wa joor pynhær ko ym ye de ko heiwa da ya tyrrah ki mar dei khmat hadooh wa da pra kani ka Pickup phrai.

Uni uwa yah ya kani ka Pickup da khlaad u pyn ha ini i thaw wa jia wei da kit ya oo cha Civil Hospital Khliehriat yow leh yeiwa emkaam.

Related posts

Kylli ka KYM na u DC iyi wa da leh ya ka poisa wa da booh yow yada ya ka wah Myntdu kawa da ktieh biang kattæ

October 31, 2025

Yachem ka JSU wa u Chairman ka MPSC yow lait biang u tyngkhooh tarik wa ka DSC

October 31, 2025

Uwa yah ya kani ka Truck da wan pyndem u wei da phah ya oo wow pait u sylli ki Doctor oo.

Ya kini ki kari da taan ki cha Kongong.