Hadien wa da tip tikna wa ka Hynniewtrep National Liberation Council (HNLC) da pyrchang ko wow khrong poisa na ki bru paidbah deilang ki sahep sorkar wa em ha Ri-Bhoi District, heiwa da maham ki leh wow pynmsoo hadooh wow pynyap ki lada ym su ki.
Neiliang ki pulit ka Ri-Bhoi da pynman ki ya ka Counter Insurgency Operation ynnin ka sngi wei da kem chwa nyngkong ya uwa suba toh u dkhot ka HNLC wa tip kam u Pyndapbok Makri na Lad Quinine heipor wa chimkti u ya ka poisa.
Hadien wa takit ya uni, da kem sa uwi wa suba toh u dkhot ka HNLC uwa tip kam u Lary Pynkmen Nongshli na Umtyra da ki pulit ka East Jaiñtia Hills wei da Register Case pyrchah ya kini.
Ki pulit da chem ki wa em ki seiñ na Bangladesh kiwa pyrchah ri da ya krehlang ki wa ka (HNLC) wei da dawa poisa ki lyngba u WhatsApp na ki heh spah wa man kam ki Khasi deilang wa ki sahep sorkar iwa da pynbor ya ki wow su ki neibhah da maham ki ya ki khon ki kti deilang kiwa emyatoh ki.
Hadien won da phah ki ya kiwa kreh ka HNLC kiwa em ha Meghalaya yow lai chim ya ka poisa. Wei kini ki khynroo da leh ki yeini neidaw wa man ko ka poisa kawa suk.
Ki pulit da ong ki kini kiwa chah kem da chitom ki waroh chi rta ki katwa ki heh ki wa em ha Bangladesh da im muja ki.
Discussion about this post