Ka SCA ‘B’ da jop ko ya ka SWKHDCA da 2 Wicket ha ka yalehke ynnin ka sngi yong ka Under-16 Boys Inter District Cricket Tournament 2025 (Zone-1).
Ya ka kylla-khlem da jop da ka SWKHDCA kawa da jied wow Bat chwa wei da kamai ko 126 Run na ki 43 Over deiwa haap 9 Wicket. U Phrangborlang Syiemlieh (C) da kamai u samen 50 Run na ki 117 bol deiwa dat san tylli ki 4 Run. U Arav Baraily uwa kawang bol yong ka SCA ‘B’ da yoh u pynhaap 3 Wicket na ki 10 Over.
Ka SCA ‘B’ hawa beh ya ka thong da ye ko u pynjop deiwa kamai 130 Run deiwa dooh 8 Wicket ha ka Over wa 27.1 deiwa lehbha u Suraj Chettri uwa kamai 94 Run na ki 75 bol deilang kawi ka 6 Run wa 12 tylli ki 4 Run. U Gilford Iawphniaw, uwa kawang bol yong ka SWKHDCA da yoh u pynhaap 4 Wicket na ki 4 Over.
Kani ka yalehke man ko kawa khaddooh ha ka League Stage yong ka Under-16 Boys Inter District Cricket Tournament 2025 (Zone-1).
Ha ka Group A, ka SCA ‘B’ da jop lut ko ya waroh ki yalehke ko wei da yoh nyngkong ko deiwa yoh 8 Point. Ka EJHDCA da man wa ar ko deiwa yoh 5 Point.
Ha ka Group B, ka RBDCA leh da jop lut ko ya waroh ki yalehke wei da yoh ko 6 Point, ka EKHCA won da man wa ar ko deiwa yoh 4 Point.
Na ka Zone-1 ki Team wa yoh u psiah cha ka Semi Final toh ka SCA ‘B’ ka waman ka Top Team yong ka Group A, ka RBDCA kawa man ka Top Team na Group B wa ka EKHCA wa yoh Best NRR.
Na ka Zone-2 won ka Team wa yoh u psiah cha ka Semi Final toh ka TDCA ka wa man ka Top Team.
Ka SCA ‘B’ daw yakhun ko pyrchah ya ka EKHCA ha ka Semi Final ka wow man ha ka Zone-1 ha Mukhla ha ka 05-05-2025 heipor 8:30 i step.
Ka RBDCA daw yakhun ko pyrchah ya ka TDCA ha ka Semi Final ka wow man ha ka Zone-2 ha Mendipathar ha ka jooh ka sngi wei por.
Ya ka Final yong kani ka Under-16 Boys Inter District Cricket Tournament 2025 u pynman ha Mukhla ha ka 07-05-25 heipor 8:30 i step.
Ya ka Digital Live Score yong kani ka Tournament ye phi u pait lyngba kani ka link https://cricheroes.com/tournament/1430009/mca-under-16-boys-inter-district-tournament-2025/
Discussion about this post