Hei miet ka 10 tarik uni u bnai heipor 11:30, ka KSU Delhi Unit da yoh ko yei kyrpaad yow yarap ya kawi ka kynthai kawa em 22 snem i rta kawa na chnong Lad Rymbai, East Jaiñtia Hills, kawa da chah kset yabor ha u chan ko iwa da jia ha Hasanpur, East Delhi wei da pyntip leh wa da chah dat wei da chah jrong kti ko ha uni u bru ha katai ka miet.
Neiliang ka seiñ da mih ko wow lai paan yarap na ki bor pulit kiwa em ha nongbah Delhi wei hadien wa chah kyntait ha ki le tylli ki Police Station wow yarap neidaw wym ye u chem yei thaw sah yong u chynrang, ka KSU Delhi da yoh yarap ko lyngba ka Madhuvihar Police Station wow thooh yei thaw sah deiwa pynemkaam yei stat Technology wei da lai wow kynreh yei thaw sah u heipor 5:00 waje i step wei da yoh wow yarap ya kani ka kynthai wei da rah ya u chynrang cha Maduvihar Police Station.
Hadien wa dep u chim yeiwa khana (Statement) na katai ka kynthai, da yah ya ka wow leh Medical Checkup deiwa synraan ki dkhot wa ki pulit wei da pynlait noh ya ka hadien wym bien de ko wow lai chakhmat yow ujor pyrchah ya u chynrang uwa na Hasanpur, East Delhi.
Neiliang ka seiñ da e khublei ko ya ka Delhi Police wa ka SPUNER (Special Police Unit for North East Region) yei yarap yong ki kamjooh leh ya ka Madhuvihar Police Station wa da smat ko wow yarap hajrong kani ka bynta.
Discussion about this post