Ki manbei wa manpa ka chong Mulum da pynsñiaw ki yei sñiawngooh ya u MLA yong ka Mowkaiaw Constituency, u Nujorki Sungoh wa da yarap u ya ki da ki Tin yung iwa da pyndap ya ki dei kmen mynsyien hawa yoh yarap ki kamni khamtam ha kani ka por lyiur wa da wan u slap yow yoh ki u kylliang ya ki Tin yung yong ki kiwa da sih.
Neiliang u Marki Lamare uwa man u Waheh Chnong yong ka chnong Mulum da pynsñiaw u yei sñiawngooh wa da yoh kiwa chong chnong ya kani ka laad yarap khamtam ha kini ki por wa da joor u slap u phria wa ka la-ær wei da man ko i kyrkhu ya ki kam ka yung ka sem kiwa da yoh u pynthymme ya ki tnoom yung yong ki.
Kamtæ da e khublei kyrpang ki wei da kyrkhu kyrdoh ki ya u Nujorki Sungoh yow nang ye chooh chooh u wow wanrah ya iwa boon i kyrkhu ya ki khon ka Mowkaiaw Constituency neini chaphrang.
Discussion about this post