Ym tip ki bor District ka West Jaiñtia katwon ngut ki wym pu yoh thaw puræ Class-XI lait nei pyrtuid wa wan e ka seiñbhalang

U DC ka West Jaiñtia Hills District da pyntip u wa katkam ka yukheiñ na ka yung krehkaam ka District School Education Officer ka West Jaiñtia Hills da em 49 tylli ki Higher Secondary School hapoh ka District.

Na kini 5 tylli toh ki yong ka sorkar, 2 tylli ki Deficit, 7 tylli toh ki Adhoc wei kiwa tam kiwa 35 tylli toh ki yong ki bru samen namo ki Private School.

Ki khynnah won kattæ ki wym pu em yoh thaw puræ Class-XI da em ki 124 ngut tangwa kani ka yukheiñ toh katkam ki pyrtuid wa da wan e da ka seiñ JSM ymtoh deiwa chim yukheiñ ki bor District.

Yow pyndap ya kini kiwa dooh thaw puræ, da em leh kawi ka skur sorkar kawa da pynku kyrdan cha ka Higher Secondary katæ ka Nongtalang Govt. Hr. Sec. School neitæ da em leh 8 tylli ki Private School kiwa da pynku kyrdan cha ki Higher Secondary kam chibynta wow pyndap ya iwa duna.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026