Ki chi yung kawi ka manbei wa dang punkhon kawa na chnong Jalaphet kawa tip kam ka Pynchei Bareh da pyntip ki wa da khlaad noh ko ynne i miet ha MCH Hospital, Jowai hadien wym em ki Doctor ki Nurse wa bien u wan pait wan sumaar ka.
Da pyntip ki wa nyngkong da kit ya ka cha ka Dispensary wa em ha Sutnga ha ka 2 tarik neidaw wa mih snaam ko heiwa da phah won wow kit ka cha Jowai neidaw wa emkaam wow pooid smat ya ka.
Kamtæ ynne i step da wanrah ka cha MCH Hospital, Jowai heiwa ki Doctor da ong ki ya ka wym toh u baam u dih ko iyi iyi leh neidaw wa daw pooid ka.
Tangwa hadien ini ym em ki Nurse næ ki Doctor wa wan pait ka, kamtæ heipor kamwa 2:00 waje i sngi da lai ka bei ka Pynchei wow kylli na ki Nurse mynnu u pooid ki ka neidaw wa da sdang ko wow tlot tangwa ym em yoh jubab ki.
Hadien ini da lai kylli chawah chaneiñ heiwa da pyntip won ka Nurse wym pooid ki ka. Kat u poi heipor janmiet won da sdang ko wow chitom joor wei da lai khut leh ya ka Nurse tangwa da chah mai pathan ki wei ym hi em wa wan pait ka.
Manda poi kamwa 9:30 i miet da khlaad noh ko Pynchei wei heini i por da wan ki wow rah ka cha ka kamra pooid heiwa da yap leh i khon wa pun.
Neiliang kiwa ha-yung ha-sem da ong ki wa da jia ini neidaw wa khalær ki Doctor wa ki Nurse neibhah heipor step ka Pynchei man ko kawa chait wa khiah.
Da pyntip leh wa kani ka manbei toh kawa da em chwa 7 ngut ki khon wei chwa u jia ini da jan toh por u kha khon ko wei ym bien ki kam ka yung ka sem wow pdiang yei metyap kat wym pu pynche kani ka thaw sumaar.
Discussion about this post