Kiwa ha-yung ha-sem ka Pynchei Bareh da booh FIR ki ynne ha Jowai Police Station pyrchah ya ka MCH Hospital, Jowai hajrong ka yurim wym em leh kiwa kreh yei kaamram ki hadooh wa poi chei yap ka Pynchei kawa punkhon wei kawa wan wow chah sumaar.
Ha ka FIR da ong wa hadien wa wan booh ya ka Pynchei ha kani ka Hospital, da ieh ka khlem em wan pait da kiwa kreh waroh chi sngi kawa man leh ka sngi wa da ong ki wow pooid ka tangwa ym em leh yeini wei ym em pyrtuid ko leh kam kawi na kawa daw chah pooid ha ka 4 tarik.
Hadien wa lai kylli ileh wym pooid, da sdang kiwa kreh u pynbaad uwi ya uwi najrong wa da hap ka pli ka Pynchei u chah thngan neidaw wa ong ya ka wym tooh u baam chwa u pooid.
Manda kieh kamwa 1:00 waje i sngi ym yohsa da e baam ya ka neidaw wym tip tikna de lada daw pooid.
Heipor 5:00 waje i janmiet da sdang ko wow mih snaam wei da pyntip yeini cha kiwa kreh ka Hospital tangwa ym em leh iyi iyi wei da ieh ya ka khlem da em wa wan pait hadooh wa yap ko heipor 9:30 i miet.
Ynne neiliang ki pulit da wan ki wow chimkti yei metyap yow kit cha Jowai Civil Hospital, Ialong yow leh ya ka Post-Mortem.
Discussion about this post