Ka sorkar jylla ynne ka sngi da klam che ko cha ka seiñ kiwa sikai wa tip kam ka Khasi Jaintia Deficit Teachers Association (KJDSTA) wa i thmu yong ka sorkar wow pyndooh noh ya kiwa sikai Deficit ym ktah ko ya kiwa sikai kiwa da em chwa hapoh ka Deficit System.
Hawa klam wa ki laad pathai khubor hadien ka yalang wa u Commissioner & Secretary In-charge ka chnat Puræ Puthi, u Vijay Mantri, neiliang ka President yong ka KJDSTA, ka AM Lyngwa da ong ko wa ka sorkar daw pyndooh noh ko yei kaam Deficit Teacher hadien wa waroh kiwa hikai Deficit wa katni u chong ngiah noh ki na ini i kaam.
Hawa pynsñiaw wa neiliang ka KJDSTA da kyrpaad ko ya ka sorkar lada man iwa hoi wow pteiñ ya kiwa hikai Deficit, ka AM Lyngwa da ong ko wa ka sorkar da pynsñiaw ko yei wym ye de u pteiñ wei wo pdiang yeini wa da kyrpaad neibhah wa kwah wow em bait du chi jait kiwa sikai.
Katkam i ong ka AM Lyngwa, i kwah wa hakhmat dooh yong ka sorkar toh wow wanrah yei pynbait ryntih heiyatoh wa i su tulop ya kiwa sikai.
Hawa kylli, ka President ka KJDSTA da ong ko wa ini i rai yong ka chnat daw ktah bha ko neidaw boon kiwa daw dooh mynsien wow psiah cha ka kaam sikai neidaw wym biang i su.
Heijooh i por da ong wa ka sorkar da rai ko wow pyndooh ya kiwa hikai Deficit, hadien wa dadep wow yasyllok wa waroh kiwa embynta ha ini i ka kaam, kawa dang lai kattæ.
Discussion about this post