Hadien wa ka Shillong wa Tura da yoh ki ya ka Examination Centre, neiliang ka JSU Shillong Circle da lai yachem ko ya u Commissioner & Secretary Education Department, u Vijay Kumar Mantri wow dawa booh ya ka CUET Exam Centre ha Jowai wa ha Ri-loom Jaiñtia.
Neiliang ka JSU da ong ko wa emkaam ya ki CUET Exam Centre ha Jowai wa ha Ri-loom Jaiñtia na ki daw wa boon, kam i jngai, i sahkut kari ha Shillong teiñ teiñ iwa pynchitom ya ki khynnah wow poi cha ki Centre ha ki por wa biang.
Sa iwi i daw toh wa ktah bha i ya ki khynnah wa wan na ki manyung wa duna hei yoh i laa nadooh ka bai kari, bai baam, thaw sah wa kiwi.
Najrong kini, ka Ri-loom Jaiñtia dang man ko kawa sahdien heiyatoh wa ki thaw thoh Exam namo ki Infrastructure yong ka puræ puthi.
Neiliang u Vijay Kumar Mantri da kular u wow booh ya ki ki CUET Exam Centre wei wow phah sorjamin ya ki thaw wa ye u pynman ya ki Exam Centre.
“I kam ka JSU Shillong Circle wa JSU man i kiwa smat wow yarap ya ka sorkar khnang wa ini i kaam u lai bait i, khnang wa ki khynnah yong i leh u suk ki”, da ong u Adviser ka JSU Shillong Circle, u A. Suchiang.
Discussion about this post