Ka seiñ Jaiñtia Youth Federation (JYF) da kyntu ko ya ki bor sorkar kiwa em haneiñ kiwa pait ya ka chnat i chait i khiah wow chimkhia yei yap ka manbei ha MCH Hospital Jowai.
Ka seiñ da ong ko wa da jia ini du neidaw wa kheiñstiñ ki bor pynlai yong kani ka Hospital khamtam ki Doctor ki Nurse kiwa em kreh heipor wa jia ya kani ka manbei kawa na chnong Jalaphet, EJH kawa da tip pyrtuid ka Pynchei Bareh.
Neiliang yong ka seiñ da dawa joor ko leh na ki bor sorkar wa toh u chim ki yei kitkhlieh heiyatoh wa ini wa da jia wei wow pynbiang lut waroh iwa emkaam ki khon yong kani ka manbei kawa da khlaad.
Ka JYF da ong ko leh wa kam ini wa jia ymtoh de u e laad hadien habood.
Discussion about this post