Ha iwi iwa jia ha Gaza iwa da poor bha, da pynkhyrngiat i ya kiwa boon khamtam ki bru ha India hadien wa uwi u manpa da khana u katwon thied u ya u baam dih cha, u Parle-G uwa wa bang bha ka khon u, iwa i kam kiwa sah ha India da kheiñ toh uwa toh dor bha tangwa da dai ha Gaza hei dor wa palat 500 chah.
U Mohammad Jawad, uwa na Gaza wa pynemkaam ya u ya ka ryndan Social Media wow booh yei Video yong oo wa ka khon u katwa dang khoh ko ya i yusong Parle-G wow baam.
“Hadien wa yang slem bha da yoh ka Ravif ya u Biscuit wa bang dooh ko ynne,” da thoh u Mohammad.
Da thoh u leh wa da ku dor ini i baam dih cha na ka €1.5 cha €24 – iwa man kamwa Rs. 2,300 ka poisa India.
U Parle-G ha India chongdor u Rs. 5 tangwa neidaw wa em ka thma da ku dor bha ha Gaza.
Ini iwa booh u ha Social Media da poor bha i namo da man Viral i khamtam wow khana kammon chem chitom ki bru u yoh baam ha Gaza.
Kam wow kdaw heini, ka thma Israel-Hamas da sdang ko ha u Naichiphaw 2023, khlem yoodur de wow kut ko.
Ka Gaza da tkut ko na ka pyrthai waroh kawi wei da chem chitom bha ki bru nadooh ki thaw sah, ka um, i baam wot hadooh ki dawai dachin leh.
Neiliang ki bru wa da wyrai ki ya ki paidbah ka Gaza da em leh wa kylli kammon sy’at ini i baam hadooh kat deini.
Discussion about this post