Du hadien wa yoh kem ya ki 3 ngut wan pyndem ka Sonam: SP

U SP ka East Khasi Hills, u Vivek Syiem da pyntip u wa ki bru wa da chah kem heiyatoh wa i chah pynyap u Raja Raghuvanshi toh u Akash Rajput (19 snem) uwa na Lalitpur, Uttar Pradesh, u Vishal Singh Chauhan (22 snem) wa u Raj Singh Kushwaha (21 snem) kiwa na Indore, Madhya Pradesh kiwa da chah kem hei miet ka 8 tarik wei ya uwa nyngkong da kem heipor 10:00 waje i miet katwa ya uwa soo won ynne heipor pyrdi sngi uwa tip kam u Anand Kurmi (23 snem) na chnong Basahari, Sagar District ka Madhya Pradesh. Da em leh wa uwi uwa da ksoh ki pulit ka Nandgarh Police Station.

U SP da pyntip u wa ki pulit ka Meghalaya da lai ki ha ka 8 tarik cha kini ki thaw yow lai kem ya kini ki bru deiwa tip tikna wa emkti ki ha ini i kaam wei du hadien wa yoh kem ya kini, ka Sonam Raghuvanshi leh da wan ko wow Phone cha kiwa ha-yung ha-sem ko ynne i step synyaaw heiwa da wan kem ya ka da ki pulit ka Uttar Pradesh.

Ya ka Sonam da chem na Kashi Dhaba wa em ha u sarok Varanasi-Ghazipur wei da wan wow chimkti ka da ki Ghazipur Police kiwa da li yah ka cha Hospital wei hadien won cha ka One Stop Centre wa em ha Ghazipur. Kam wow pynkynmoo hadien wa Phone ka Sonam cha u payu ko, oo won da pyntip u cha ki pulit.

Da pyntip u leh wa kattæ da em ki pulit ka Meghalaya kiwa da lai yow chimkti sa ya ka Sonam wei daw wanrah ka cha Shillong deilang wa kiwi manda dep ka yung bichaar wow leh yeiwa emkaam.

Related posts

Najrong wym pu ye u pynbait yei kit Coke sa ki karkhana Cement wym e Trip ya ka seiñ kiwa yah Truck ka Jaiñtia Hills

July 26, 2025

Deiwa yoh Rs. 1 klur na ka CM Elevate da chna ya ka True North Swimming Academy

July 26, 2025

Chooh chooh u SP da pyntip u wa kini ki bru da pynyap ki ya u Raja ha ka 23 tarik u Naisan wei da mih ki leh napoh ka jylla ha ka jooh ka sngi. Wei hadien wa chem yei metyap ha ka 2 tarik uni u bnai heiwa da pyntikna wa chah pynyap u Raja, da thung da ka SIT kawa chimpor du 7 sngi wow chemdien ya kiwa emkti wei da lai kem ki ya kini ki bru.

Heiyatoh wa kammon mih kini ki bru wa emkti napoh ka jylla, u SP da ong u wa manda ye u wanrah ya kini ki bru cha Shillong daw tip hadien wa takit ya ki.

Da ong u leh wa kamwa man kattæ, u Raj wa ka Sonam kiwa yoodur wa sooh buit wow leh yeini wei da pyntikna u leh wa ki le ngut ki bru wa em uwi u Tourist Guide wa yoo wa lai lang wa u Raja toh ki jooh ki bru wa chah kem wei u Raj toh u wym em wan cha Sohra.