Kam ka Sonam wa chah rahbor ko

Ka khubor wa da mih kattæ na ki laad pathai kubor na baar jylla da ong wa ka Sonam Raghuvanshi da kam ko wa chah rahbor ko wei ym em emkti ko wow pynyap ya u kurim ko, u Raja Raghuvanshi.

Da kam ko leh wa hadien wa chah rahbor ko da chah ieh ko ha Ghazipur, Uttar Pradesh.

Ya ka Sonam da chem na Kashi Dhaba wa em ha u sarok Varanasi-Ghazipur wei da yoo ka da kiwa kreh kani ka thaw baam wa da poi ko dei step synyaaw heipor 1:00 waje haroh heiwa da yaam ko leh.

Da paan ko na ki da ka Phone yow pyntip cha kiwa ha-yung ha-sem ko yow khana cheiwon em ko wei hadien ini uni uwa kreh ha kani ka Dhaba da phah u yei thaw (Location) wa em ko cha u payu ko tangwa hadien won da Phone biang u oo deiwa ong wow pyntip cha ki pulit heiwa ki pulit da wan ki wow chimkti ka heipor 2:30.

Related posts

Lada ym em maya pho ya oo ileh ym yut yow krum u tynyap oo, kylli ka diah u Raja ya ka Sonam

June 9, 2025

Yoh bor ki pulit ka Meghalaya wow wanrah ya ki 4 ngut kiwa emkti wow pynyap ya u Raja cha Shillong

June 9, 2025

Neiliang u ADG Law & Order, Uttar Pradesh, u Amitabh Yash da pyntip u da wan wow chimkti ka da ki ki pulit ka Ghazipur kiwa da li yah ka cha Hospital wei hadien won cha ka One Stop Centre wa em ha Ghazipur. Tangwa da ong u ym em em takit ya ka.

Kam wow kdaw heini wa kani ka Case dang haap ko ha kti ki pulit ka Meghalaya wei yeiwa ong ka Sonam ym pu ye u chim kam iwa da ong hi wot ko kat wym pu yoh bor wow takit ya ka da ki pulit ka Meghalaya kiwa da lai wow chimkti ka. Ini iwa da ong ko toh hawa yaklam donhi ko wa ki pulit ka Uttar Pradesh.

Kiwi de ki mat ki wym pu tip toh kammon dapoi ka Sonam cha Uttar Pradesh neibhah da hap ko wow lai luti na kiwa boon ki jylla.

Kam wow pynkynmoo wa ki pulit ka Meghalaya da kheiñ ki ya ka Sonam kam kawi na kiwa emkti wow pynyap ya u Raja deilang ki soo ngut kiwa kiwa chah kem kiwa kynthup ya u Akash Rajput (19 snem), u Vishal Singh Chauhan (22 snem), u Raj Singh Kushwaha (21 snem) wa u Anand Kurvi (23 snem).