Ka Kiang Nangbah Government College toh kawa da rim dooh ka College ha Jaiñtia Hills ya kawa da sdang ha u snem 1967 wei katni kani ka College da dawa bha wow chna pynmiat kamjooh leh wow pynheh ya ka heiwa man-u-snem ki khynnah na kylleiñ yakhun ki wow lai puræ ha kani ka Collage.
Hajrong ini dei mynsien wa sñiawkhia, u MLA ka Jowai, u Wailadmiki Shylla ynne da lai pait lai sylli u ya kani ka College heiwa kammon wow pynheh wei wow pynmiat ya ka hadien wa yoh i kular na u Chief Minister ka jylla wow thoohlaad wow pynman ya ini i angnood iwa jop.
Ha ini i lai sylli da emlang ka Principal ka College, ka LM Darnei, ki sahep na ka PWD, kiwa sikai wa kiwi.
U Wailadmiki da lai pait u ya ka Canteen, i thaw wow chna Quarter, ka Auditorium, ki Classroom, Library wa kiwi ki bynta kani ka thaw kani ka College.
Hadien ini, u Wailadmiki hawa yaklam wa kiwa pathai khubor da ong u wa iwa hakhmat dooh ya oo kam u MLA wa ya ki paidbah ka Ri-loom Jaiñtia toh i dooh thaw puræ ki khynnah khamtam heipor yaleh Admission heiwa ha uni u bnai wa dadep heipor wa wan u Chief Minister cha Jowai da yoh u pynsñiaw yeini wei neiliang yong oo da kular u wow pynheh ya ka College.
Ynne da khana ka Principal deilang wa kiwa sikai wa duna bha ki Classroom, kamjooh wa da sih ka Auditorium, i emkaam wow pynheh ya ka Canteen, wa ki Quarter kiwa sikai wa kiwi kiwi.
Kamtæ da pynkhreh ya ka Plan heiwa da antaad wow lut kamwa Rs. 30 klur hawah haneiñ khnang wow ye u phah cha ka sorkar wow leh ko yeiwa emkaam wow myntoi ki khynnah.
Heiyatoh wa ki Additional Classroom da emkaam boon bha heiwa da emkaam ym duna ya 20 tylli ki Classroom.
Discussion about this post