Kam chibynta yong ka International Day Against Drug Abuse and Illicit Trafficking-2025, da pynman ya ka Exhibition Football Match and Awareness Programme ha Kiang Nangbah Stadium hajrong ka phang “Say No to Drugs, Yes to Life!”.
Ya kani ka yalehke da pynman da ka West Jaiñtia Hills Police.
Ka yalehke da man ko hapyrdi ka West Jaiñtia Hills Police wa ka Rymbai Shkenshynriah, heiwa ka Rymbai Shkenshynriah da jop ko da 3-2.
Kani ka yalehke da wanrah ko chirup ya ki khynroo, ki waheh wasian wa ki pulit wow pynsñiawthooh wei wow kreh pyrchah ya i pynemkaam drugs.
Ha kani ka sngi da emlang u Additional Superintendent of Police, u Ishan Gupta, u Reserve Inspector u Sunday Manner wa kiwi.
U Ishan Gupta da pynsñiawthooh u ya kiwa yalehke wa ki paidbah kammon ktah i pynemkaam drugs heiwa da ban joor u wa du ka Sports wa i yakrehlang ka imlang sahlang wa ye u pynjngai ya ki khynroo na i drugs.
Hadien ini da saam ya ki tiar sahkynmoo cha kiwa yalehke kam ka dak i sñiawburom wow yakhun pyrchah ya i drugs.
Discussion about this post