Chah kem sa u Security Guard uwa da suba yarap murieh ya ka muna ka Sonam

Ki pulit ka Meghalaya wa em ha Indore da yoh ki wow kem sa uwi u bru ynnin ka sngi heiyatoh wa i chah pynyap u Raja Raghuvanshi hadien wa yoh wow kem chwa ya uwi u bru wa tip kam u Shilom James uwa man u bru wa e wai yei yung wa sah ka Sonam Raghuvanshi hadien wa liwan ko na Meghalaya cha Indore.

Uni uwa dang chah kem ynnin toh uwa tip kam u Balbir Ahirwar uwa tip leh kam u Balla uwa man kam u Security Guard ka yung Building wa em ka Flat wa sah wai ka Sonam heiwa da antaad wa da sah ko heini hadooh 10 sngi.

Ya uni u Security Guard da kem neidaw wa suba wa emkti u wow murieh ya ka muna ka Sonam kawa da ieh ko hapoh kani ka yung wa sah ko wa em ha ka thaaiñ Dewas Naka, Indore heiwa da tip tikna wa hapoh kani ka muna da em boon ki sabut wa emkaam.

Ya u Shilom James da kem na Indore hi katwa ya u Balbir Ahiwar da kem na chnong u wa em ha Ashok Nagar District wei da wanrah oo cha Indore.

Related posts

Ha ka 19th Poisition yoh u khynnah ka Shangpung RMSA Sec. School ha ka SSLC

April 9, 2026

Chah ieh iwi i khonboo wa dang dep kha ha ka Gate ka Ganesh Das Hospital

April 8, 2026

Ya u Balbir da chah pynbaad wa emkti u wow yarap ya u Shilom wow thang ya kani ka muna kawa dadep u Shilom wow pynyoo ya ki pulit yei thaw wa thang u ka kani ka muna.

Kam wow pynkynmoo wa ki pulit ka Meghalaya kiwa man kam chibynta ka Special Investigation Team (SIT) dang em hi ki ha Indore yow pynman yei takit.

Puræ leh: Yoh kem ki pulit ya uwa e yung wai wei uwa murieh ya ka muna ka Sonam