Kamwa 22 ngut ki bru da dooh ki yei mynsien ki wa 63 ngut won kiwi da mynsoo ki hadien wa pynpdung Bomb uwi u bru hapoh kawi ka yungmane ha Damascus, Syria.
Uni u bru nyngkong da psiah u chapoh kani ka yungmane ka Greek Orthodox Church, u Prophet Elias wa em ha Dweila deiwa siat suloi hei janmiet ka 22 tarik chwa wow tympdung u ya u Bomb wa em em ha putoi (Vest) wa sap u.
Da suba wa uni u bru toh u yong ka Islamic State (IS) tangwa ym pu em wa wan chakhmat wow kam wa emkti ha ini i kaam.
Ki dur ki Video wa da poor da pynyoo yei joor bha i chah ktah kani ka yungmane wei da sied snaam cha chram.
Kiwa lait im da khana ki wa uni u bru da psiah syndet u chapoh ka yungmane deiwa rah suloi wei da sdang u wow siat ki ki bru naphang wei da em leh ki bru kiwa da pyrchang wow ksoh oo tangwa heini i por da pynpdung u ya u Bomb.
Discussion about this post