Shillong: Ka 1st North East Investors’ Summit wa pynman da ka Ministry of Textiles wa ka Ministry of DoNER, Government of India da wan wai ya ka da ka Union Textiles Minister, ka Smriti Zubin Irani ha State Convention Centre, Shillong.
Kani ka Summit da pynman kyrpang du ya ki jylla ka thaiñ Northeast yow kyntu ya i pymih that nadooh ki yusem, ki that soor sut, ki that soor sula kynthai wa kiwi kiwi yow pynman ya ka Northeast kam kawi ka thaw wa khlan wow pynmih that kmjooh leh kiwa soor wa sooh that.
Ka Smriti Irani hei klam yong ka da ong ko wa ka thaiñ Northeast em ko boon ki wow yoh myntoi ya kiwa wan wow seiñ karkhana cha ka khamtam ha ki that ki nep neibhah ki bru man ki kiwa da pnah chwa hei soor hei thaiñ that wei ki that wa pynmih ki leh man ki kiwa phær wei wa kor bha.
Da pyntip ko leh wa ka sorkar dang dep sdang ko ya ka “Bunkar Mitra-Handloom Helpline Centre” heiwa lyngba kani ka Helpline Centre lada em iwon iwon wa kiwa soor wa thaiñ emkaam yarap ki daw em ki bru wa da pnah bha ha ini i kreh ki wow jubab ya ki wei da sdang leh ya ka wi ka App wa tip kam ka E-Dhaga ka wow yarap ya ki wow chem ki ya ki mar wa emkaam ki, yow booddien ya ki mar yong ki wa da dep phah ki kamjooh leh katwon em stock ha kiwa dai mar. Lyngba kani ka App leh ye ki u thied kamjooh u dai ya ki mar yong ki.
U Chief Minister, Dr. Mukul Sangma hei klam yong oo da ong u wa emkaam wa kiwa soor wa thaiñ u yohlaad ki u pynyoo yei sap yong ki yow yoo ka pyrthai yeiwa ye ki u leh iwa hadien won daw kylla i kam ka laad im ja ki. Kamtæ kani ka summit da man ko ka kabu ksiar ya ki u mih ki cha khmat yow tipmit ka pyrthai ki.
Discussion about this post