3rd Division EJHDFA: Jop ka Tuber Chohchrieh wa ka Moolang

by Wyrta Staff

July 7, 2025

Reading Time: 2 mins read

Ka 3^rd Division 2025 ka East Jaintia Hills District Football Association (EJHDFA) dapoi ko cha ka sngi wa ynñiaw ynne deiwa pynman le tylli ki yalehke.

Ka yalehke wa nyngkong da kut ko da 1-1 hapyrdi ka Umlong SC wa ka Wahsarang SC. Ya ka Umlong da thap da u Esakiel Dkhar ha ka minit wa 46 katwa ya ka Wahsarang da thap da u Heijuh Miki Bareh (OG) ha ka minit wa 80+3.

Ha ka yalehke wa ar, ka Tuber Chohchrieh SC da jop ko da 2-0 Mookympad SSCC da ki kool wa thap u Franklin Muruh ha ka minit wa 5 wa u Ribait Bang ha ka minit wa 80+1.

Ha ka yalehke wa le, ka Moolang SC da jop ko ya ka Evergreen SC Ladwapung da 3-2. Ya ka Moolang da thap da u Chesterfield Rymbai ha ka minit wa 16, u Sohlang Dkhar ha ka minit wa 44 wa u Riping Dkhar ha ka minit wa 64 katwa ya ka Evergreen da thap da u Shatisfymi Lamo ha ka minit wa 13 wa u Tesmi Dkhar ha ka minit wa 80+4.