Ka madan Futsal kawa em ha Nartiang kawa tip kam ka AB Futsal Arena da wai ka ha ka 14 tarik uni u bnai da u MLA ka thaaiñ kam u kongsan uwa man leh kam u Symbood Montri Rangbah ka jylla, u Sniawbhalang Dhar deilang wa u MDC ka Mynsngat-Khanduli, u P. Nangleiñ, u Paul Synnah uwa man u SE ka PHE Department chirup wa kiwa boon ki waheh wasian ka thaaiñ.
Ki daw wa haphrang wa chna ya kani ka madan toh yow lait ki khon khynroo u ngop ha ki jait dih pynmuaid wa boon jait khamtam ha kini ki sngi ki por weiwa da pynsñiaw leh kiwa yalehke ka thaaiñ Nartiang da slem wa da thrang ki wow em kam kani ka madan.
Kani ka madan man ko leh kawa nyngkong ha ka thaaiñ ka Elaka Nartiang wei man ko leh ka madan kawa rap heh kawa ye u yalehke 7-A-Side wa 8-A-Side.
Kani ka madan em ko ha Nartiang hajan ka Tipsngi Upper Primary School.
I dor bai yalehke man ki Rs.1200 heipor sngi iwa chi kynta chiphaw minit. Hei miet won Rs. 1400 iwa man neibynta chi kynta chiphaw minit.
Kiwa kwah wow yalehke ha kani ka madan ye ki wow Phone ha kini ki Number-8974556539, 9863230120, 7483139643.
Discussion about this post